Қызылорда облысы қоғамдық денсаулық сақтау департаменті Қармақшы аудандық қоғамдық денсаулық сақтау басқармасы мамандары «Казпочта» ғимаратында, халықтың арасында, ауруды ерте анықтау және алдын алу мақсатында «Өз денсаулығың, өз қолыңда» атты акциясы өткізді.
Акция аудандық емхана мамандарының қатысуымен өткізілді.
Акцияның негізгі мақсаты – аурудың бастапқы кезеңін және тәуекел факторларын айқындау үшін жас ерекшеліктеріне сәйкес скринингтен өту қажеттілігін, профилактикалық медициналық тексерулерден уақытылы өтудің маңыздылығын халықтың назарына жеткізу. Ол уақытылы ем қабылдауды, сауығып кетуді қамтамасыз етуге, сондай-ақ асқынуға, мүгедектікке және өлімге әкеліп соқтыратын аурудың күрделі түрінің дамуын тоқтатуға мүмкіндік береді.