ЖАСӨСПІРІМДЕРДІҢ ҚАУІПСІЗДІГІ – БАСТЫ МІНДЕТ

Қоғамдық қауіпсіздікті нығайтып, құқықбұзушылықтың алдын алу мақсатында ауданда кезекті түнгі рейдтік шара өткізілді.

«Заң мен тәртіп» қағидатын басшылыққа алған іс-шара аудан әкімінің тапсырмасына сәйкес ұйымдастырылды. Рейдке аудан әкімдігі, прокуратура, полиция бөлімі, білім беру саласының өкілдері және тиісті мекеме қызметкерлері жұмылдырылды.

Шара аясында аудан орталығындағы жастар көп шоғырланатын орындар, ойын-сауық мекемелері, компьютерлік клубтар мен сауда нысандарына бақылау жүргізілді.

Сонымен қатар жасөспірімдер арасында түсіндіру жұмыстары жүргізіліп, олардың түнгі уақытта заңды өкілдерінің еріп жүруінсіз қоғамдық орындарда болуына қатысты заң талаптары түсіндірілді.

Қармақшы ауданы әкімінің баспасөз қызметі