ЗАҢДЫ БІЛУ - ЗАМАН ТАЛАБЫ
Құқықтық қауіпсіздік сабағы №121 орта мектебінде "Адал азамат" біртұтас тәрбие бағдарламасын іске асыру шеңберінде білім алушылар арасында вейптің денсауллыққа зияны, олардың айналымына қатысты заңнамалық тыиымдар және заңсыз айналымы үшін көзделген жауапкершілік, сонымен бірге кәмелетке толмағандар арасында құқық бұзушылықтың, буллингтің, кибербуллингтің, нашақорлықтың, зорлық - зомбылықтың, интернет - алаяқтық пен вандализмнің алдын алу мақсатында 8-9-10-11 сынып оқушыларымен құқықтық сауаттылықты арттыру мақсатында сабағы аудандық полиция бөлімнің қызметкерлерімен өткізілді.
Кездесуге Қармақшы аудандық полиция бөлімінің Криминалды полиция бөлімшесінің аға жедел уәкілі полиция аға лейтенанты Ибрагимов Нурлан Маратұлы , Қармақшы аудандық полиция бөлімінің Ювеналды полиция тобының полиция аға лейтенанты Жақсылықов Ерсұлтан Ерболұлы тақырып көлемінде оқушыларға түсіндірме жұмыстар жүргізді.
Нұрлан Маратұлы оқушыларға вейптің денсаулыққа зияны мен заңсыз айналымы туралы слаидтарды таныстырып, оқушылар да өз пікірлерін білдірді. Кездесу барысында оқушылар, Әділ Дінмұхаммед, Сұлтанов Мақсат т.б оқушылар полиция қызметкерлеріне "Заң мен тәртіп" аясында өз сұрақтарын қойып, жүйелі жауаптар алды. Құқықтық сабағы соңында мектеп директорының тәрбие -ісі жөніндегі орынбасары Талғат Сағатұлы мектеп әкімшілігі тарапынан алғыс білдіріп, жасөспірімдер арасында құқықтық сауаттылықты арттыру мақсатында алдағы уақыттарда жоспарлы түрде өтіп отыраиындығын айтты.
