ҚАУІПСІЗ ТАСЫМАЛ – ОРТАҚ МІНДЕТ
ІІМ Көліктегі полиция департаментінің 2026 жылғы 27 шілдеде келіп түскен бұйрығына сәйкес, Төретам стансасындағы КПб-нің қызмет ету аймағында 28-30 шілде аралығында теміржол және әуе көлігі объектілерінде «Тасымалдаушы» жедел-профилактикалық іс-шарасы өткізілді.
Іс-шараның негізгі мақсаты – көлік инфрақұрылымы объектілерінде қоғамдық тәртіп пен қоғамдық қауіпсіздікті қамтамасыз ету тиімділігін арттыру, құқықбұзушылықтардың алдын алу және олардың жолын кесу. Сондай-ақ жолаушылар пойыздарында жүктерді заңсыз тасымалдау деректерін анықтау, теміржол вокзалдары мен әуежайларда заңсыз такси қызметін көрсету фактілерінің жолын кесу, ұсақ бұзақылық әрекеттерін анықтау, теміржол көлігі қауіпсіздігі саласындағы құқықбұзушылықтардың алдын алу және оларды дер кезінде анықтап, заң талаптарына сәйкес шаралар қабылдау жұмыстары күшейтілген тәртіпте жүргізілуде.
Аталған іс-шара аясында полиция қызметкерлері профилактикалық түсіндіру жұмыстарын жүргізіп, азаматтардың құқықтық мәдениетін арттыруға, көлік объектілерінде қауіпсіздік талаптарының сақталуын қамтамасыз етуге және құқықтық тәртіпті нығайтуға бағытталған кешенді шараларды жүзеге асыруда.
Төретам стансасы көліктегі полиция бөлімшесі
