ТЕРРОРИЗММЕН КҮРЕСТЕГІ ҚОҒАМНЫҢ РӨЛІ
«Заң мен тәртіп» қағидаты аясында аудандық музейдің ұйымдастыруымен терроризм мен діни экстремизм идеологиясының алдын алу, діни сауаттылықты арттыру және жастардың рухани иммунитетін қалыптастыру мақсатында «Терроризммен күрестегі қоғамның рөлі» тақырыбында теолог маманның қатысуымен дөңгелек үстел өтті.
Шара барысында теолог маман терроризмнің қоғамға тигізер зардаптары, жат діни ағымдардың қауіптілігі және олардан сақтану жолдары туралы кеңінен ақпарат берді. Сонымен қатар, дәстүрлі рухани құндылықтарды дәріптеу, діни мәселелерде сенімді ақпарат көздеріне жүгіну және қоғамның бірлігі мен тұрақтылығын сақтауда әр азаматтың жауапкершілігі жөнінде пікір алмасты.
Дөңгелек үстел еркін сұхбат форматында өтіп, қатысушылар өздерін толғандырған сұрақтарға жауап алды.
