МАМАНДЫҚ ТАҢДАУ – МАҢЫЗДЫ ІС

Мектеп қабырғасында жүрген әрбір жас түлек болашақта кім болатынын ойлайды. Бірі дәрігер болуды армандаса, енді бірі мұғалім, инженер, заңгер немесе кәсіпкер болуды қалайды. Алайда мамандықты тек атақ-абыройына немесе табысына қарап таңдау жеткіліксіз. Ең алдымен адамның қызығушылығы мен қабілеті ескерілуі қажет.

Бүгінгі таңда еңбек нарығы жылдам өзгеруде. Кейбір мамандықтарға сұраныс артса, енді бірінің маңызы төмендеп келеді. Сондықтан жастар заман талабына сай кәсіптерді зерттеп, болашақтағы мүмкіндіктерді саралай білуі керек. Ақпараттық технологиялар, инженерия, медицина, педагогика және ауыл шаруашылығы салаларында білікті мамандарға сұраныс жоғары.

Мамандық таңдауда ата-ананың, мұғалімнің және кәсіби бағдар беруші мамандардың кеңесі маңызды рөл атқарады. Дегенмен соңғы шешімді жасөспірімнің өзі қабылдауы қажет. Себебі өзі қаламаған мамандықты игеру қиын әрі оның нәтижесі де көңіл көншітпеуі мүмкін.

Ұлы ойшыл Әбу Насыр әл Фараби: «Адамға ең бірінші білім емес, тәрбие берілуі керек» деген. Сол сияқты жас ұрпаққа тек білім беріп қана қоймай, олардың өмірлік бағытын дұрыс таңдауына көмектесу де маңызды. Өз ісін сүйіп атқарған адам ғана биік жетістіктерге жете алады.

Мамандық таңдау – бір күнде қабылданатын шешім емес. Ол ұзақ ойлануды, ізденуді және өз мүмкіндігіңді бағалай білуді талап етеді. Болашаққа нық қадам басқысы келетін әрбір жас өз қызығушылығын анықтап, еңбек нарығының сұранысын зерттеп, саналы таңдау жасауы тиіс.

Қорыта айтқанда, мамандық таңдау – өмір жолын таңдаумен тең. Дұрыс таңдалған мамандық адамға тек табыс қана емес, рухани қанағат пен қоғамға пайда әкелу мүмкіндігін сыйлайды. Сондықтан әрбір жас бұл мәселеге үлкен жауапкершілікпен қарауы қажет.