Ардагерлерге құрмет көрсетілді

Ұлы Жеңіс күні қарсаңында тылда еңбек еткен ардақты ата-әжелерге құрмет көрсетіліп, мерекелік құттықтау жеткізілді.

«Ардагерлерді ардақтайық» партиялық жобасы аясында «AMANAT» партиясы Қармақшы аудандық филиалының Атқарушы хатшысы Ғалымжан Ақжігітов пен аудандық мәслихат депутаты, фракция мүшесі Марат Асылов қариялардың шаңырағына арнайы барып, жылы лебіздерін білдірді.

Елдің еңсесін тіктеуге үлес қосқан қарттарымызға алғыс хаттар, сый-сияпаттар табысталып, ақ баталары алынды.

Тыл ардагерлерінің қажырлы еңбегі мен тағылымды ғұмыры – кейінгі ұрпаққа өнеге.Ардагерлерімізге мықты денсаулық, ұзақ ғұмыр және шаңырақтарына амандық тілейміз!