Қазыналы қарттарға құрмет көрсетілді

Бүгін "Ардагерлерді ардақтайық" партиялық жобасы аясында "AMANAT" партиясы Байқоңыр филиалының сектор меңгерушісі Кенжегүл Муханова мен партия филиалы Саяси кеңесінің мүшесі Гүлмира Орынбаева Байқоңыр қаласы, Төретам кенті мен Ақай ауылдық округінің еңбек және партия ардагерлерінің үйлеріне барып, халықаралық қарттар күнімен құттықтады.

"Сіздердің жүріп өткен жолдарыңыз, еңбектеріңіз – ұрпақ үшін үлгі-өнеге.

Сіздерді мерекелеріңізбен шын жүректен құттықтай отырып, дендеріңізге саулық, ұзақ ғұмыр, отбастарыңызға бақ-береке, ырыс-несібе тілеймін!", - деді К.Муханова.

Көрсетіліп жатқан құрметке риза болған ардагерлер "AMANAT" партиясына жылы лебізін білдіріп, алғысын айтып, ақ батасын берді.