АТТ мүшелеріне арналған семинар өтті

Қармақшы аудандық қоғамдық даму бөлімінің мемлекеттік әлеуметтік тапсырысына сәйкес жүзеге асырылып жатқан «Қармақшы ауданы бойынша дін саласындағы тұрақтылықты қамтамасыз ету бағытында ақпараттық-түсіндірмелік іс-шараларды ұйымдастыру» әлеуметтік жобасы аясында “Болашақ Жастар” ҚБ-ның ұйымдастыруымен Қармақшы аудандық Руханият орталығы Жастар орталығының мәжіліс залында АТТ мүшелеріне арналған семинар өтті.

Семинарды Қармақшы ауданының бас имамы Н.Рахметуллаев жүргізіп, қатысушыларға қоғамдағы діни тұрақтылықты сақтау, бірлік пен ынтымақты нығайту, жат діни ағымдардың алдын алу бағытында түсіндірме жұмыстарын жүргізді.

Кездесу барысында қатысушылар өзара пікір алмасып, дін саласындағы өзекті мәселелер төңірегінде ой бөлісті.

Қармақшы аудандық "Қармақшы ата" мешітінің баспасөз қызметі