Құрбан айт мейрамы қарсаңында ұлттық спорт түрлерінен сайыс өтті

Қармақшы аудандық қоғамдық даму бөлімінің «Қармақшы ауданы бойынша дін саласындағы тұрақтылықты қамтамасыз ету бағытындағы ақпараттық-түсіндірмелік іс-шараларды ұйымдастыру» әлеуметтік жобасы аясында Құрбан айт мерекесі қарсаңында «Қармақшы жастары» қоғамдық бірлестігі мен Қармақшы ата мешітінің бірлесе ұйымдастыруымен мешіт жамағаты арасында «Ислам және ізгі қоғам» тақырыбында ұлттық ойын спорт түрлерінен сайыстар өткізілді.

Шараның ашылу барысын Қармақшы ата мешітінің бас имамы Қожанов Рахат сөз сөйлеп, қатысушыларды сайыстың мақсатымен таныстырып, оларға сәттілік тіледі. Шараға 5 команда қатысып, ұлттық ойын спорт түрлерінен сайысқа түсті.

Сайыс қорытындысы бойынша жеңімпаздар анықталып қаржылай сыйлықтар мен алғыс хаттар мен марапатталды.