БАЛАЛАР ҚҰҚЫҒЫ - БАСТЫ МІНДЕТ
"Адал азамат" Біртұтас тәрбие бағдарламасы аясында 8-30 қаңтар аралығында «Заң және тәртіп» қағидаты негізінде № 121 орта мектебінде «Балалар құқығы - басты міндет» тақырыбында мектеп кітапханашылары Г. Жүсіпова және А. Айтбаевалар көрме ұйымдастырылып, мектеп оқушыларына таныстырылды.
Көрменің басты мақсаты – білім алушылардың бала құқықтары жөніндегі түсінігін кеңейту, олардың заңмен қорғалатынын ұғындыру және әрбір баланың қоғамдағы орны мен құндылығын дәріптеу.
Көрме арқылы оқушылар өз құқықтары мен міндеттері жайлы мағлұмат алып, заң талаптарын білу мен сақтаудың маңыздылығын тереңірек түсінді.
Іс-шара барысында кітапханашылар көрмені таныстыру жұмыстарын жүргізіп, бала құқығын қорғау – мемлекет пен қоғамның ортақ міндеті екенін атап өтті. Сонымен қатар әрбір баланың қауіпсіз ортада білім алып, өз ойын еркін білдіруге, дамуға және қорғалуына толық құқығы бар екенін кеңінен насихаттады.
Аталған көрме оқушылардың құқықтық мәдениетін арттыруға, әділдік пен жауапкершілікке тәрбиелеуге, сондай-ақ заңға құрметпен қарауға бағытталған маңызды тәрбиелік шаралардың бірі болды.
