qarmaqshy-tany.kz Ақжар ауылдық №28 орта мектебінде 10-20 қараша аралығында жарияланған "Бала құқығы - адам құқығы" атты онкүндік іс-шара аясында мектеп психологы А.Әмірханов 7 "а, б" сынып оқушыларына "Бала құқығы және зорлық-зомбылықтың алдын алу" тақырыбында дәріс сабағын өткізді. Дәріс сабағы барысында психолог бала құқығы мен мектептегі зорлық-зомбылықтың психологиялық, физикалық, бопсалау және кибербуллинг секілді түрлеріне кеңінен тоқталып өтті. Жасөспірімдерге зорлық-зомбылықтың тигізетін әсері және балалар арасындағы суицидтің алдын алуға болатындығы жөнінде түсіндірді. Дәріс соңында "Қауіпті жағдайлардан сыпайы бас тарту" тақырыбында тренинг өткізіп, топтық және жекелеген кеңестер берілді.