Аудандық аграрлы-техникалық колледжінде терроризм және діни экстремизмнің алдын алуға байланысты жиын өтті.
Онда «Қармақшы ата» мешітінің және ауданның бас имамы Асхат Жарқынбеков, аудандық ішкі саясат бөлімінің дін мәселелерін зерттеу орталығының теолог маманы Жалғасбек Ысқақов отбасы құндылығына, діни алауыздыққа байланысты уағыз айтып, студенттердің сауалына жауап берді.
Шараға аудандық ішкі істер бөлімінің жедел уәкілі, полиция капитаны Оспан Есжанов, осы бөлімнің экстремизмге қарсы іс-қимыл тобының жедел уәкілі Жасқанат Ақбергенов қатысты. Сонымен бірге, жиын барысында  колледж ұжымы мен студенттерге экстремизмнің зияны жайында бейнеролик көрсетілді.