БАҒА ТҰРАҚТЫЛЫҒЫНА БАҚЫЛАУ КҮШЕЙТІЛУДЕ
Бүгін “AMANAT” партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, комиссия мүшелері, ардагерлер және Қармақшы аудандық кәсіпкерлік, ауылшаруашылық бөлімдері және кент пен ауылдық округ әкімдіктерінің жауапты қызметкерлері Төретам кенті мен Ақай ауылдық округінде орналасқан азық-түлік дүкендеріне мониторинг жұмыстарын жүргізді.
Зерделеу жұмыстары барысында азық-түлік дүкендерінде тауарлардың сатылымдағы бағаларына сәйкес айырмашылықтарына мән беріліп, жіті бақыланды.
Кәсіпорын иелерімен де тілдесіп, олардың ой-пікірлері мен ұсыныстары тыңдалды.
Сондай-ақ мониторингтік топ тарапынан тұрғындар көп тұтынатын азық-түлік өнімдері бағаларын шекті бағадан қымбаттатпау қажеттігі жөнінде түсіндірме жұмыстары жүргізілді.
Бағаны тұрақты деңгейде ұстап тұру мақсатында мониторинг жұмыстары тұрақты түрде жүргізіледі.
