Азық-түлік өнімдерінің бағасына мониторинг жүргізілді

"AMANAT" партиясы Байқоңыр филиалы жанынан құрылған партиялық мониторинг және бақылау тобы Төретам кенті мен Ақай ауылдық округінің дүкендеріндегі күнделікті тұтынатын азық-түлік өнімдерінің бағасына мониторинг жұмыстарын жүргізді.

Мониторинг барысында кәсіпкерлерге әлеуметтік маңызы бар өнімдердің бағасын негізсіз қымбаттатқан жағдайда тиісті шаралар қолданылатындығы жөнінде ескертілді.

Апта сайын партия филиалы тарапынан өңірдегі сауда орындары мен базарлардағы тауарлардың бағасына тұрақты бақылау және талдау жұмыстары жүргізіліп тұрады.