АДАЛДЫҚ – ЖЕМҚОРЛЫҚҚА ҚАРСЫ БАСТЫ ҚАРУ
Еліміздегі сыбайлас жемқорлыққа қарсы күрес мемлекеттік саясаттың негізгі басымдықтарының бірі ретінде айқындалған. Себебі, сыбайлас жемқорлық еліміздің әлеуметтікэкономикалық дамуына кері әсер ететін, елдің даму болашағына айтарлықтай қауіп төндіретін құбылыс екені анық.
Тәуелсіздік жылдарында жүргізіліп келе жатқан көп векторлы сындарлы сыртқы саясат пен ішкі тұрақтылықтың нәтижесінде Қазақстан бүгінде бүкіл әлемдік қауымдастықтың белсенді мүшесіне айналып келеді.
Сыбайлас жемқорлықпен күресу, оның алдын алу, жол бермеу мәселелері тек жеке адамдардың немесе жекелеген топтың ғана емес мемлекеттік органдардың, мемлекеттік қызметкерлердің, тұтастай қоғамның басты міндеті мен борышы. Осыны шынайы орындау үшін әрбір лауазым иесі өзінің жандүниесін ұдайы таза, адал ұстауы тиіс. Сонда ғана олар қарапайым халықтың сенімін ақтап, қоғамның тежеусіз дамуына үлес қосқан болар еді.
Қуаңдария ауылдық округі әкімінің аппараты
