Жуырда  №30 орта мектепте медицина майталманы, бар саналы өмірін аудан тұрғындарының денсаулығын нығайтуға арнаған  марқұм Сағынбек Рысмахановты еске алу мақсатында  медицина қызметкерлері арасында  волейболдан дәстүрлі жарыс өтті.
Тартысты да қызықты сәттерге толы болып өткен жарысқа аудандағы барлық денсаулық сақтау мекемелері құрама командалары қатысты.
Жарыс қорытындысымен І орынды «Емхана» командасы жеңіп алып, арнайы дайындалған  кубокты иемденсе, «Ардагерлер» және «Стоматология» командалары ІІ және ІІІ орындарды өзара бөлісті.
Сонымен қатар,  Владимир Шерғазин, Алмас Қаржаубаев,  Қайыржан Айтжанов, Бақытжан Нысанбаев, Мұрат Наурызбаев,  Едіге Қабылов сынды үздік деп танылған ойыншылар арнайы сый-құрметке ие болды.