Жасөспірімдер арасында құқықбұзушылықтың алдын алу бойынша жиналыс өткізілді

Жосалы кенті орталығындағы Ш. Уалиханов атындағы #26 орта мектептің 8-11 сынып оқушыларына мектеп әкімшілігімен Қармақшы ауданының Полиция бөлімінің ювеналды полиция тобының инспекторы полиция капитан Ж.Аликулов кәмелетке толмағандар арасында құқық бұзушылық және қылмыс, нашақорлықтың алдын алу, топтық төбелес, әлімжеттік көрсетудің жолын кесу құқық бұзушылықтар мен қылмыстардың алдын алу бағытында құқықтық түсіндірме жұмыстарын жүргізді.
Жиында құқықтық сауатсыздық, өз құқығы мен міндетін білмей, басқаның құқығын сыйламаудың кесірінен әртүрлі келеңсіз жағдайларға кезігіп қалудың мүмкін екендігін, қылмыстың қоғамдағы зияны мен адам тағдырын адастыратыны жайлы, сондықтан құқықтық тәрбиені санаға сіңіріп, әркім өзінің жеке басын және қасындағылардың жеке басын құрметтеу керек екені айтылды.