Конституция – тәуелсіз ел тұғыры
Биыл Қазақстан Республикасы Конституциясының қабылданғанына 30 жыл толып отыр. Атаулы күнге орай аудандық музейде "Конституция - тәуелсіз ел тұғыры" тақырыбында музейлік сабақ өтті.
Сабақтың мақсаты - оқушыларға ҚР Конституциясы туралы тарихи мәлімет беру, Ата Заңның маңызын түсіндіру, азаматтық сана-сезімді, патриоттық рухты қалыптастыру.
Музейлік сабақ барысында Конституцияның тарихы, 1995 жылғы 30 тамыздағы референдум жөнінде айтылып, Конституция баптарынан үзінділер келтірілді. Сондай-ақ оқушылар Ата Заңымызға арналған кітаптармен танысты.
Сабақ соңында оқушыларға тест сұрақтары қойылып, "Мен үшін Конституция - бұл..." тақырыбында оқушылар өз ойларын ортаға салды.
