Ата заң – айбынымыз

Конституция – мемлекетіміздің басты заңы. Барлық заңдар мен ережелер Конституцияға қайшы келмеуі тиіс.
Тәуелсіз Қазақстанның тарихында екі Конституция болды: 1993 жылғы үлгідегі және 1995 жылғы 30 тамыздағы жалпыұлттық референдумда қабылданған Конституция. Содан бері 30 тамыз мемлекеттік мереке болып саналады.
Сонымен қатар, биылғы жылдың маусымында өткен референдумда саналы азаматтық таңдау арқылы Конституциялық реформа жасалды, осылайша жалпыұлттық референдумда қабылданған Ата заңға өзгерістер енгізілді. Ата заңның үштен бір бөлігі, яғни 33 бабы қайта жазылды. Бас құжаттың жаңғыруы ел азаматтарының жеке бас құқығынан бастап мемлекеттің саяси басқару жүйесін де қамтыған.
Ата заңның қағидаттары мен нормаларын ұстану, конституциялық құндылықтарды қорғау – әрбір азаматтың құрметті парызы және қасиетті міндеті.
Тәуелсіз мемлекетіміздің Конституция еліміздегі саяси-экономикалық, әлеуметтік реформалардың ілгері қадам басуына кепілді болатынына сенім мол.