Конституция – еліміздің тәуелсіздігі мен тұрақтылығының берік тұғыры

Қазақстан Конституциясы – елдің тұрақтылығы мен дамуының негізі Жыл сайын 30 тамызда Қазақстан Республикасы өзінің басты мемлекеттік мерекелерінің бірі – Конституция күнін атап өтеді. Бұл күн – еліміздің демократиялық, құқықтық және зайырлы мемлекет ретінде қалыптасу жолындағы маңызды кезеңінің символы. 1995 жылы бүкілхалықтық референдум нәтижесінде қабылданған қазіргі Конституция – Қазақстанның мемлекеттік құрылымының, азаматтардың құқықтары мен бостандықтарының кепілі. Бұл құжат елдің қоғамдық өмірінің барлық салаларын қамтитын негізгі заң болып табылады.

Конституцияның әрбір бабы – мемлекеттің болашағы үшін маңызды негіз. Конституция – халық еркі мен бірлігінің көрінісі Конституция Қазақстан халқының еркін білдіреді. Онда Қазақстан Республикасының тәуелсіздігі, аумақтық тұтастығы, мемлекеттік тілі, мемлекеттік рәміздері, басқару формасы, билік тармақтарының бөлінуі, адам мен азаматтың құқықтары мен бостандықтары нақты белгіленген. Бұл – ел тұрғындарының тыныш және әділ өмір сүруіне берік негіз қалайды. Конституциялық құндылықтар – әрбір азаматтың игілігі Конституцияда адам және оның өмірі, құқықтары мен бостандықтары – ең жоғары құндылық ретінде белгіленген.

Әрбір азамат заң алдында тең, сөз бостандығы, ар-ождан еркіндігі, еңбек ету құқығы, білім алу құқығы сынды көптеген демократиялық принциптер бекітілген. Мерекенің мәні мен маңызы Конституция күні – бұл тек ресми мереке емес, сонымен қатар, елдің тарихына, бүгінгі және болашақ дамуына құрмет білдіретін күн. Бұл – құқықтық сананы арттыру, Отанға деген сүйіспеншілікті нығайту, азаматтық белсенділікті дамыту Конституция – еліміздің тәуелсіздігі мен тұрақтылығының берік тұғыры. Оны құрметтеу, оның талаптарын орындау – әрбір қазақстандықтың қасиетті борышы. Осы мереке күні баршаңызға бейбіт өмір, татулық пен өркендеу тілейміз!