Келмембет батыр көшесінде жүргізіліп жатқан күрделі жөндеу жұмыстарымен танысты
"АMANAT" партиясының 2023–2025 жылдарға арналған Сайлауалды бағдарламасын іске асырудың Жол картасы аясында, жолдардың жақсы және қанағаттанарлық жағдайдағы үлесін арттыру бағыты бойынша жұмыстар жалғасуда.
Осыған орай, партияның Қармақшы аудандық филиалының ұйымдастыруымен аудандық мәслихат депутаты, депутаттық фракция мүшесі М.Бекбаев, Партиялық Бақылау комиссиясының мүшесі Н.Пірназаров, сондай-ақ "Жастар рухы" жастар қанаты Қармақшы аудандық филиалының бөлімше жетекшісі Е.Транай Жосалы кентіндегі Келмембет батыр көшесіне жүргізіліп жатқан күрделі жөндеу жұмыстарының барысымен танысты.
Жасалып жатырған жұмыстар барысында жол сапасы мен жөндеу жұмыстарының мерзімі, стандарттарға сәйкестігі және тұрғындар үшін қолайлылығы назарға алынды.
Партия алдағы уақытта да халықтың тұрмыс сапасын арттыру бағытындағы жұмыстарды жүйелі түрде бақылауда ұстайды.
