БАЛАЛАР ҚАУІПСІЗДІГІ - БАСТЫ НАЗАРДА!

"AMANAT" партиясы Қармақшы аудандық филиалы жанындағы Партиялық Бақылау комиссиясының мүшесі, депутаттық фракция жетекшісінің орынбасары М.Асылов, "Жастар рухы" жастар қанаты Қармақшы аудандық филиалының бөлімше жетекшісі Е.Транай және партияның аудандық филиалы қызметкерлері бірлесе отырып "Бақытты отбасы" партиялық жобасы аясында балалардың қауіпсіздігін қамтамасыз ету мақсатында Жосалы кентіндегі балалар ойын алаңдары мен ашық жатқан көру құдықтарының қақпақтары бойынша зерделеу жұмыстарын жүргізді.

Зерделеу барысында аулалардағы ойын алаңдарының техникалық жағдайы, қауіпсіздік талаптарына сәйкестігі, адам өміріне қауіп төндіруі мүмкін ашық құдықтар мен қақпақтардың жағдайы тексерілді.

Басты мақсат - балалардың өмірі мен денсаулығына қауіп төндірмейтін қауіпсіз орта қалыптастыру.