"AMANAT": КӨШПЕЛІ МОБИЛЬДІ ҚАБЫЛДАУ ҰЙЫМДАСТЫРЫЛДЫ

Бүгін "AMANAT" партиясы Байқоңыр филиалының ұйымдастыруымен мобильді қабылдау өтті. Қабылдауға жазылған Байқоңыр қаласының тұрғындары банк алдындағы несие қарызы мен медициналық көмек мәселелеріне байланысты өтініштерін білдірді.

Тұрғындарды қабылдаған партия филиалының төрағасы, Қармақшы аудандық мәслихаттағы "AMANAT" партиясы депутаттық фракциясының мүшесі Еркін Рзалиев, партия филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, Байқоңыр қалалық көпбейінді ауруханасы бас дәрігерінің міндетін атқарушы Ержан Игенбаев, Қызылорда облысы Әділет департаментінің "Қармақшы ауданаралық мәжбүрлеп орындату аумақтық бөлімі" филиалының басшысы-аға сот орындаушысы Жанат Баекеева мәселелердің заң аясында шешілуі бойынша жұмыстар атқаратындарын жеткізіп, бағыт-бағдар мен кеңестер берді.

Айтылған мәселелер шешімін тапқанға дейін "AMANAT" партиясы Байқоңыр филиалының назарында болады.