"AMANAT": КӨШПЕЛІ МОБИЛЬДІ ҚАБЫЛДАУ ҰЙЫМДАСТЫРЫЛДЫ
Бүгін "AMANAT" партиясы Байқоңыр филиалының ұйымдастыруымен Ақай ауылында көшпелі мобильді қабылдау өтті.
Қабылдауға "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісінің міндетін атқарушы Бота Есеналиева, Байқоңыр қалалық көп бейінді ауруханасы бас дәрігерінің міндетін атқарушы Ержан Игенбаев, Ақай ауылдық округінің әкімі Батыржан Тұрғанбаев қатысты.
Мобильді қабылдауға келген тұрғындар әлеуметтік төлемдер, медициналық көмек, жұмыспен қамту және тұрғын үй мәселелеріне байланысты өтініштерін білдірді.
Барлық өтініштер мұқият тыңдалып, тұрғындарға заң аясында шешілуіне жұмыс жасалатыны туралы айтылды. Көтерілген мәселелердің орындалуы "AMANAT" партиясы Байқоңыр филиалының бақылауында болады.
