"AMANAT": ТӨРЕТАМ КЕНТІНДЕ КӨШПЕЛІ МОБИЛЬДІ ҚАБЫЛДАУ ҰЙЫМДАСТЫРЫЛДЫ
Бүгін "AMANAT" партиясы Байқоңыр филиалының ұйымдастыруымен Төретам кентінде көшпелі мобильді қабылдау өтті.
Қабылдауға "AMANAT" партиясы Байқоңыр филиалының төрағасы, аудандық мәслихат депутаты Еркін Рзалиев, "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісінің міндетін атқарушы Ботагөз Есеналиева, Байқоңыр қалалық көпбейінді ауруханасы бас дәрігерінің орынбасары Ержан Игенбаев, "Жастар ресурстық орталығы" Байқоңыр қалалық бөлімінің басшысы Азамат Ердаулетов қатысты.
Мобильді қабылдауға келген тұрғындар
әлеуметтік төлемдер, медициналық көмек көрсету, жұмыспен қамту, тұрғын үй мәселелеріне байланысты өтініштерін білдірді.
Барлық өтініштер мұқият тыңдалып, тұрғындарға заң аясында шешілуіне жұмыс жасалатыны туралы айтылды.
Көтерілген мәселелердің орындалуы "AMANAT" партиясы Байқоңыр филиалының бақылауында болады.
