«ТАЗА БЕЙСЕНБІ»: ТАЗА ҚАЛА МЕН ТАБИҒИ ЛАНДШАФТТАР ТУРИСТЕРДІ ТАРТАДЫ
Бүгін Қызылордада «AMANAT» партиясы Байқоңыр филиалына қарасты бастауыш партия ұйымдарының белсенділері Мемлекет басшысының "Таза Қазақстан" жалпыұлттық бастамасы аясында "Таза бейсенбі" акциясы ұйымдастырып, қалалық жастар саябағының аумағы қоқыстан тазартты.
Игі іске бастауыш партия ұйымдарының төрағалары мен мүшелері, жалпы 40-қа жуық азамат үлес қосты.
«Байқоңыр қаласы нағыз туристер ордасы. Айына «Байқоңыр ғарыш» айлағы жұмысын көруге мыңдаған шетелдік азаматтар келеді. Олар міндетті түрде саябаққа келеді. Сондықтан біз бүгін Жастар саябағына тазалық жүргіздік. Таза қала мен табиғи ландшафттар туристерді тартудың бір құралы», - деді партияның Байқоңыр филиалының атқарушы хатшысы Мақсат Есбенбетов.
«Мемлекет басшысының «Таза Қазақстан» бастамасы – бұл жай ұран емес. Бұл көркейту - көгалдандыру, су айдындарын тазарту, экологиялық мәдени тәрбие жүргізу секілді еліміздің өзекті экологиялық мәселелерін шешуге бағытталған кешенді бағдарлама. Аманаттықтар әр бейсенбіде «Таза бейсенбі» акциясын ұйымдастырып, осы жұмыстарға ат салысып келеді. Бүгінгі экологиялық акция барысында саябақ аумағынан 17 қап қоқыс жиналып тазартылды.
