«Таза бейсенбі» акция аясында тазалық жұмыстары жүргізілді

Президенттің «Таза Қазақстан» жалпыұлттық бастамасы аясында «AMANAT» партиясы елдегі экологиялық жағдайды жақсартуға бағытталған «Таза бейсенбі» экологиялық акциясын жүзеге асырып келеді. Бүгінгі күнге дейін облыс бойынша акция аясында 323,5 тонна қоқыс шығарылып, акцияға 28101 адам қатысты. Партияластар еңбек аллеялары, демалыс орындары, қала аралық жолдар бойы мен өзен, көл, су айдындарын, қараусыз қалған аумақтарды қоқыстардан тазартты.

Әр бейсенбіде дәстүрлі түрде жалғасып келе жатқан акция аясында бүгін қармақшылық партияластар аудан орталығындағы Аманкелді Иманов көшесі бойына тазалық жұмыстарын жүргізді.

«Таза бейсенбі » акцияның басты мақсаты- тазалық жұмыстарын жүргізу ғана емес, еліміздің тазалығы мен әсем табиғатына қамқорлық жасайтын, қоғамдағы вандализмнің көріністеріне төзбейтін заң мен тәртіптің үстемдігі қағидатына сәйкес келетін саналы экологиялық қоғам құру.

«Туған жерімізді таза әрі көрікті етуге атсалысу әрбіріміздің парызымыз. Тазаланған аумақ – болашақ ұрпаққа қалдырар аманатымыз. Біз осындай іс-шаралар арқылы қоғамда экологиялық мәдениетті қалыптастырамыз деп сенемін», - деді акцияға аудандық партия филиалының төрағасы Әділ Қошалақов.

Атап өту керек, акция аясында өңірдің барлық аудандарында алдын-ала елді мекендердің ластанған аумақтарының карталары әзірленіп, әрбір учаскеге партияның бастауыш партия ұйымдары мен филиалдары бекітілген. Олар бекітілген учаскелерде тәртіп пен тазалықты сақтауды қамтамасыз етуге үлес қосып келеді