Ұрпақ ұлттық ойынмен шыңдалады

Т.Көмекбаев атындағы №250 мектеп-лицейінде “Жас маман: Ізденіс. Өсу. Жетістік” атты жас мамандар апталығы аясында Қалиев Батырұлан мен Бекшенов Ержанның ұйымдастыруымен “Ұрпақ ұлттық ойынмен шыңдалады” атты ұлттық ойындардан сайыс өткізілді. Сайысқа мектеп оқушылары белсене қатысып, ұлттық ойындардың мән-маңызын түсініп, өзара күш сынасты.

Сайыс бірнеше кезеңнен тұрды:
1. "Асық ату"– жеңіске жету үшін дәлдік пен шеберлік талап етілді.
2. "Ләңгі тебу"– қатысушылардың ептілігі мен жылдамдығы сыналды.
3. "Бұқа тартыс" – қатысушының күші сыналатын кезең.
4. "Арқан тартыс" – командалық рух пен күш-жігер бірігіп, сайыстың қызығын арттырды.

Осы сайыс арқылы оқушылар ұлттық ойындарды насихаттап, командалық жұмыс пен көшбасшылық қасиеттерін дамытты. Мұндай іс-шаралар жастарға ұлттық құндылықтарды ұғындырып, ұлттық ойындардың маңызын арттырады.