БІЛІМ САЛАСЫ ҰЙЫМДАРЫНА МОНИТОРИНГ ЖҰМЫСТАРЫ ЖҮРГІЗІЛУДЕ
Бүгін «AMANAT» партиясы Қармақшы аудандық филиалының төрағасы Ә.Қошалақов, аудандық мәслихат депутаты, аудандық мәслихаттағы депутаттық фракция мүшесі М.Асылов аудан орталығындағы Ш.Уалиханов атындағы N26 орта мектебінде оқушыларға жасалған жағдайдың барысымен танысты. Оның ішінде асхана жұмысына және балалардың тамақтануының дұрыс ұйымдастырылуына, сонымен қатар спортзал, мектеп жанындағы интернаттағы балалардың жағдайына бақылау жүргізді.
Аудан орталығындағы білім беру ордаларының асханалардың тазалығы санитарлық талаптарға, оқушыларға берілетін ыстық тамақ пен ас мәзірі тиісті нормаларға сай келеді.
Дегенмен де, оқушылардың қауіпсіздігін қамтамасыз ету мақсатында мониторинг барысында білім беру ұйымдарының басшыларына асхананың санитарлық-техникалық жағдайын, тазалығын және оқушыларға берілетін ыстық тамақтың сапасын, ас мәзірінде көрсетілген өлшемге сай болуын, келіп түскен өнімдердің жарамдылық мерзімін қатаң бақылауға алу тапсырылды.
Сонымен қатар, асхана жұмысы мен оқушылардың тамақтануы төңірегінде келеңсіз мәселелердің алдын алу мақсатында мекемедегі әлеуметтік педагог пен мектеп аяжанына күнделікті аталған мәселелерді қадағалап, мекеме басшылығына баяндап отыру жүктелді. Бұл жұмыстар басқа мектептерде жалғасын табады.
