Еңбектің көзін тапқан, бақыттың өзін табады

Қармақшы аудандық білім бөліміне қарасты №199 орта мектебінде 2025- Жұмысшы жылына орай «Еңбектің көзін тапқан, бақыттың өзін табады» тақырыбында дөңгелек үстел өткізілді. Шараның мақсаты: мамандық таңдау кезеңінде тұрған оқушыларға бағыт - бағдар беріп, дұрыс жол таңдауына ықпал ету. Ауылымыздың еңбек адамдарымен сұхбаттасу арқылы еңбек етудің адам өміріндегі орнын сезіндіру. Оқушылардың қоғамдағы өзгерістерге назарын аудара отырып, азаматтық позициясын қалыптастыру.

Шараға Қармақшы ауданы прокурорының көмекшісі Әділет Сәду, аудандық білім бөлімінің әдіскері Мейраш Абдыхалыққызы, аудандық білім бөлімі кәсіподағының төрайымы Лаззат Серікбайқызы, ауыл әкімі Влидамир Жақсылықұлы қатысты. Оқушылар ауылымыздың еңбек адамдары , гидротехник- Жалғасбаев Жақсылық ата, агроном –Қалдашбаев Бүркіт, дәнекерлеуші Байғабылов Жанболат, электрик Сәнеев Атабай, механизатор Омаров Рысбек, техник-механик Қазиев Бақытбек, ағаш ұстасы –Сәтов Әлменбет, инженер-техник Мырзабаев Асылбек ағалардың еңбек жолдарымен танысып, мамандықтары жайлы біліп, сол мамандықтардың қазіргі уақыттағы маңыздылығы, мамандық таңдаудың дұрыс жолы жайлы пікірлесіп, кеңестер алды. Дөңгелек үстел еркін форматта өтіп, қонақтардың оқушылармен етене түсінісіп, әңгімелесуіне ықпал етті. 90 жастан асқан, еңбектің үлгісі бола білген Жақсылық ата өз бойындағы сегіз өнердің бірін көрсетіп, терме орындаса, Бүркіт ағай әдемі ән шырқап, шараның әсерін күшейте түсті.

7-сынып оқушылары шара қонақтарын әсем әнімен қарсы алса, бастауыш сынып оқушылары ауылымыздың еңбеккерлерін өлең шумақтарымен қатысушыларға таныстыра отырып, естеліктер табыстады.

8-11-сынып оқушылары қазіргі уақыттағы трендтегі жұмысшы мамандықтары жайлы презентациямен жасады.

Дөңгелек үстелдің рефлексиясы «Ашық микрофон» , «Ноутбук» әдістері арқылы беріліп, шара қонақтары ұйымдастырушы мектеп ұжымына алғысын жеткізді.