qarmaqshy-tany.kz №185 мектебімізде 9 ақпан күні 10 сынып оқушылары және сынып жетекшісі Б.Әбілованың ұйымдастыруымен «Мамандық таңдау —болашақты таңдау» тақырыбында мамандық иелерімен кездесу кеші өткізілді. Кеш мақсаты оқушыларға мамандық таңдау жолында дұрыс бағыт-бағдар беріп, ой бөлісу болатын. Шараға ауылымыздағы мекемелерден маман иелері шақырылып, оқушыларға өз мамандықтары туралы айтып, қыр-сырымен бөлісті. Оқушылардың қойған сұрақтарына жауап беріп, пікір алмасты. Түрлі тренинг жүргізіліп, кеш соңында оқушылар кері байланыс берді.