Көркем әдебиеттің қазығы
Абай Құнанбайұлы – ұлы ақын, көркем әдебиеттің қазығы, күйші, сазгер, ғалым, философ, аудармашы, композитор. Қазіргі қазақ елінің кемеңгер ойшылы, қазақтан шыққан мақтанышымыз. Байқоңыр қаласындағы академик С.Жиенқұлов атындағы жоғары колледж студенттері Ұлы Абайдың әрбір шығармасын, өлеңін, қарасөзін жүрегіне жақын тұтып, өз білім-дағдыларын жетілдіруде.
Соның айғағы ретінде жақында білім беру мекемесінің орыс тілі мен әдебиеті пәнінің оқытушысы, ұлағатты ұстаз Алтынай Жұбаеваның басшылығымен No514 бұйрық негізінде «Жаңа Қазақстан» инновациялық орталығы ұйымдастырған қазақ халқының ұлы ақыны, ағартушысының шығармаларын кеңінен насихаттау мақсатындағы республикалық «Абай оқулары» байқауына колледж студенттері қатысқан болатын. Колледждің «ТС-124» оқу тобының студенттері Дана Меңдібаева Абайдың 7, Нұрсұлтан Қанатшаев 15, Дияс Қонысбаев 17, Нұрдәулет Талқанбаев 24 қара сөзін орыс тілінде жатқа айтып, видеоға түсті.
Сондай-ақ «АШ-124» оқу тобының студенттері Жасұлан Байназаров 25 қара сөзін қазақ тілінде, Марлен Альжанов 25 қара сөзін ағылшын тілінде мәнерлеп оқыды. «ТА-124» оқу тобының студенті Аслан Мұсаев 25 қара сөзін орыс тілінде жеткізді. Сонымен қатар «ТЭ-124» оқу тобының студенті Рүстем Садықов Абай Құнанбайұлының «Күз» өлеңін орыс тілінде оқыса, Ильяс Сахиев «Сенбе жұртқа тұрса да қанша мақтап» өлеңін, «АТ-124» оқу тобының студенті Қарақат Асанова 25 қара сөзін орыс тілінде жатқа оқып, видео жолдады.
Байқау нәтижесі бойынша жүлделі І орынмен Дана Меңдібаева, Қарақат Асанова, Жасұлан Байназаров, Марлен Альжанов, Ильяс Сахиев, Аслан Мұсаев, ІІ орынмен Нұрдәулет Талқанбаев, ІІІ орынмен Рүстем Садықов, Нұрсұлтан Қанатшаев, Дияс Қонысбаев марапатталды.
Сондай-ақ колледждің жалпы пән оқытушысы Алтынай Жұбаева білімгерлерге жетекшілік етіп, еліміздің білім мен ғылым саласының дамуына қосқан үлесі үшін Құрмет грамотасымен марапатталды.
Аты дүйім елге белгілі Абай атамыздың шығармаларын кеңінен насихаттауда ұйымдастырылған республикалық «Абай оқулары» байқауына студенттерімізді дайындаған ұстаз Алтынай Қызылбайқызын жеткен жетістігімен құттықтай отырып, абырой биігінен көріне беруіне тілектестік білдіреміз.
Қымбат БЕРДЕШ,
Байқоңыр қаласы
