ҚР Білім және ғылым министрлігінің 2017 жылғы 16 қазандағы №524 «Балалар мен жастардың оркестрлері және ансамбльдердің шеруін өткізу туралы» бұйрығын орындау мақсатында білім бөлімінің «Қармақшы ауданында балалар мен жастар музыкалық ансамбльдерінің шеруін дайындау және өткізу туралы» 23.11.2017 жылы №723 бұйрығы шығарылды. Осыған орай  Халықаралық балаларды қорғау күні балалар мен жастардың музыкалық оркестрлері мен ансамбльдерінің шеруін өткізуді жоспарланып отыр.

Шерудің мақсаты - балалар мен жастардың музыкалық мәдениетінің деңгейін арттыру, оларды әлемдік музыка өнерінің байлығына араластыру, Қазақстанның мәдени мұрасын сақтау, құрметтеу. Шеру – бұл біздің еліміздің барлық білім беру ұйымын біріктіретін кең көлемді республикалық акция. 2018 жылдың 1 маусымдағы шеруге кент мектептері, оқушылар үйі мен әуез мектебінен 180 мұғалім мен 520 оқушы шығады деп жоспарлануда.