Президенттің Қазақстан халқына Жолдауында отбасылық-тұрмыстық зорлық-зомбылық проблемасына ерекше назар аударылған. Өздеріңіз білетіндей, көп жағдайда тұрмыстық зорлық-зомбылық құрбандарына әйелдер, яғни құқық бұзушылардың әйелдері немесе азаматтық жұбайлары болып табылады. Тұрмыстық зорлық-зомбылық үшін заңмен денсаулыққа келтірілген зиянның ауырлығына байланысты әкімшілік және қылмыстық жауапкершілік қарастырылғанын еске саламыз.

Қармақшы аудандық прокуратурасының прокуроры Н.Шаймахан, Қармақшы ауданының полиция бөлімінің жергілікті полиция қызметі бөлімшесінің әйелдерді зорлық-зомбылықтан қорғау тобының инспекторы полиция капитаны А.Касимова және «Отбасын қолдау орталығының» психологі Т.Тұрашовамен зорлық-зомбылықтың құрбаны болған, құқық бұзушылықты жасауға бейім тұлғалардың мекен-жайлар араланып, профилактикалық түсіндірме жұмыстары жүргізілді. Рейд барысында отбасылық жағдайлары назар аударылып, құқықтық және психологиялық кеңестер берілді.

Қармақшы аудандық полиция бөлімі тұрмыстық зорлық-зомбылық құрбандары мен куәгерлерін азаматтық ұстаным танытуға және тұрмыстық зорлық-зомбылық фактілері туралы «102» арнаға дереу хабарлауға шақырады.