Отбасындағы зорлық-зомбылықтың алдын алу аясында құқықтық кеңестер

qarmaqshy-tany.kz Біздің заманауи дамыған қоғамда тұратынымызға қарамастан, отбасындағы тұрмыстық зорлық-зомбылық жағдайлары өте жиі кезедседі. Осыған орай, Қармақшы ауданындағы №10 өрт сөндіру бөлімінің қызметкерлерімен ағымдағы жылдың 25 қарашасынан бастап 10 желтоқсан республика көлемінде өтіп жатқан «Әйелдерге қатысты зорлық-зомбылықсыз 16 күн белсенділік» акциясы барысында кездесу өткізілді.

Тұрмыстық зорлық-зомбылық құрбаны болмаудың алдын алу және онымен күрес шаралары күшейту туралы «Жастар денсаулық орталығының» психологі Ә.Кетебаева, салауатты өмір салтын қалыптастыру маманы Д.Құлмырзаева және Қармақшы АПб-нің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимованың қатысуымен құқықтық консультациялар және психологиялық кеңестер берілді.