Ағымдағы жылдың маусым айының 11-і жұлдызында Қармақшы аудандық соты, Қармақшы аудандық прокуратурасы, Қармақшы аудандық полиция бөлімі және Қармақшы аудандық отбасын қолдау орталығы аралығында «Тұрмыстық зорлық-зомбылық мәселесіне» қатысты ықпалдасу және кеңесу тәртібінде атқаратын іс-шаралар туралы меморандумға қол қойылған болатын.

Осыған орай, ағымдағы жылдың шілде айының 31-і жұлдызында «Отбасын қолдау орталығының» мәжіліс залында Қармақшы ауданы прокуратурасының ұйымдастыруымен меморандум жұмыс жоспарының орындалу барысы талқыланды. Іс-шарада барысында отбасындағы тұрмыстық зорлық-зомбылық құқық бұзушылықтарының алдын алу бағыттағы жұмыстардың атқарылуы туралы жауапты тұлғалардың есептері тыңдалды.

Сонымен қатар, тәжірибеде кездесетін проблемалық мәселелерді бірлесіп шешу жолдары қарастырылып, ұсыныс-пікірлері ортаға салынып, алдағы уақытта атқарылатын жұмыстарының талаптары белгіленді.