Жастар тәрбиесі – салт-дәстүрде
Салт-дәстүр біздің өміріміздің үлкен бір бөлшегі. Салт-дәстүр дегеніміз – әр ұлттың, халықтың діні мен сеніміне, тұрмыс-тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптардың жиынтығы. Осы орайда жазғы демалыста оқушыларды ұлттық тәрбие тағылымымен сусындатып, салт- дәстүрімізбен ұлттық құндылықтарымызды насихаттау мақсатында білім беру ұйымдары жанынан құрылған этнолагерь жұмысы өз деңгейінде жүргізілуде.
Тұрмағамбет ауылы №29 орта мектебінде ауылдағы сүт зауытының қызметкерлері жазғы тынығу лагерінде демалып жатқан оқушылармен арнайы кездесіп, өз кәсібі барысында тәжірибелерімен бөлісіп, сүт өнімдерінен жасалатын қазақы тағамдардың жасалуымен таныстырды.
Оқушылар зор ынтамен қатысып, қазақ халқының ғасырлар бойы қалыптасқан тұрмыс салтының үлгісін өз көздерімен көріп, ата- бабамыздан қалған ұлттық өнер барысында домбырамен ән шырқап, уақыттарын тиімді өткізуде.
