"Бұрымды қыз" байқауы
№79 негізгі мектеп жанынан құрылған "Балауса" жазғы тынығу лагерінде 2018 жылдың 11 маусым күні тəрбиеші А.Тұңғышбаеваның ұйымдастыруымен арулар арасында "Бұрымды қыз" - байқауы өткізілді. Мақсаты: Қазақ қызының бойындағы ұлттық дəстүрімізге сай əдептілік, көріктілік, инабаттылық тағы басқа ұлттық қасиеттерін таныта білу жəне қазақ халқының салт-дəстүрін дəріптеуге үйрету. Аруларымыз 4 кезең бойынша бақ сынасты. Байқау барысында ұлттық үлгідегі киім мен шаш үлгілерін, мақал-мəтел мен нақыл сөздердің толық мағынасын аша білуде білімділігі мен өнерлерін паш етті. Байқау қорытындысы бойынша 1 орынмен А.Əбілтай, 2 орын Ж.Əбікенова, 3 орын Н.Болатбекқызы иеленсе, "Білімді қыз" номинациясымен Ж.Сқақова, "Өнерлі қыз" номинациямен І.Қарымсақова ие болды. Байқауға қатысқан аруларымызға мақтау қағаздары мен сыйлықтар тапсырылды.
