Депутаттық фракция жетекшісінің орынбасары қабылдау өткізді
Бүгін "Халыққа көмек" партиялық жобасы аясында облыстық мәслихаттағы "AMANAT" партиясы депутаттық фракциясы жетекшісінің орынбасары Мақсұт Ыбрайханұлы Нәлібаев Ақай ауылдық округінің тұрғындарын қабылдады.
Алғашқы қабылдауға кірген Ақай ауылдық округінің Ардагерлер кеңесінің төрағасы Жақсылық Қыпшақбайұлы ауылда тұрғын үйлерді салу үшін арнайы жер учаскесін қарастыру бойынша өтініш білдірсе, екінші болып қабылдауға жазылған ауыл тұрғыны Шымберген Сүлейменов ауылда заманауи аялдамалар салу үшін жергілікті бюджеттен қаржы бөлуге ықпал етуін сұрады.
Келесі кезекте қоғамдық қабылдауға кірген ауыл тұрғыны Қазбек Күншығаров ауыл көшелеріне асфальт төсеу жұмыстарын жүргізілуіне ықпал жасауын сұрады.
Депутаттық фракция жетекшісінің орынбасары Мақсұт Нәлібаев қоғамдық қабылдауға келген тұрғындардың өтініштерін мұқият тыңдап, тез арада мәселелердің оңтайлы шешілуі үшін тиісті жұмыстардың жүргізілетіндігі туралы жеткізді.
