» » Жыр дүлейі - Дүр Оңғар

Жыр дүлейі - Дүр Оңғар

Алты Алаштың анасы да, панасы да болған Сыр бойы киелі де қасиетті жер. Осы жерде талай билер мен батырлардың, небір дүлділ ақын-жыршылардың, әулиелердің кіндік қаны тамды. ХІХ ғасырдың екінші жартысы, ХХ ғасырдың басы осындай киелі жерге Сыр сүлейлерінің бір топ жыр жұлдызын сыйлады. Сол шоқ жұлдыздар шоғырының көрнекті өкілі – Оңғар Дырқайұлы артында өшпес мұра қалдырған орақ ауызды, өткір тілді ақын-жырауларымыздың бірі де бірегейі болған.
ІІІ Интернационал ауылдық кітапханасы және мәдениет үйі қызметкерлерінің ұйымдастыруымен «Адал адам» мәдени-тәрбие орталығы тұжырымдамасының «Әлем-book» жобасы аясында, оқушыларға Сыр сүлейі, жыр дүлділі Дүр Оңғар жыраудың өмірі, өлең-жырлары, шығармаларын, әдеби мұраларын насихаттау мақсатында танымдық сағат өткізілді. Ол Сыр өңірі ақындарының ұстазы Дүр Оңғар Дырқайұлының туғанына 165 жыл толуына орай «Жыр дүлейі – Дүр Оңғар» атты тақырыбында ұйымдастырылды. Оқырмандарға бей- непроектордан «Дүр Оңғар Дырқайұлы» атты деректі фильм көрсетіліп, жырау Ә.Сүлейменовтің орындауындағы «Ерлерім сөйле дегесін» атты термесі тыңдалды.
Кітапханашы ақынның шығармаларына шолу жасап, өмірбаянымен таныстырды. Оқушыларға Дүр Оңғар шы- ғармаларынан жұмбақтар жасырылып, сұрақтар қойылды. Олар кезекпен-кезек ақынның өлеңдерін нақышына келтіріп оқыды. Кеш соңында оқырмандар алған әсерлерін стикерге жазып, кітапханадағы тілек ағашына қалдырды.
Рима ТҰРМАНОВА
30 наурыз 2024 ж. 169 0

PDF нұсқалар мұрағаты

№28 (10293)

09 сәуір 2024 ж.

№27 (10292)

06 сәуір 2024 ж.

№26 (10291)

02 сәуір 2024 ж.

Суреттер сөйлейдi

Жаңалықтар мұрағаты

«    Сәуір 2024    »
ДсСсСрБсЖмСбЖс
1234567
891011121314
15161718192021
22232425262728
2930