Кездесуге ардагер ұстаздың шәкірттері Райкүл Қаратаева, Асылжан Айбытов, Арайлым Сүлейменова және аудандық білім бөлімінің әдіскері Ақтолқын Тоқшылықова қатысып, ардақты ұстаздың білім саласындағы ерен еңбегін айтып, естеліктермен бөлісті.

Іс-шараны өткізудегі басты мақсат – ардагер ұстаздың еңбек жолын таныстыра отырып, оқушыларға мол мағлұмат беру, ұстазды құрметтеуге, сыйлауға үйрету. Сондай-ақ ұстаз мамандығының қыр-сырын түсіндіру, ұстаз еңбегін әрқашан бағалай білуді жас ұрпаққа ұғындыру болды.

Кездесу барысында ардагер ұстаздың еңбек жолынан бейнеролик көрсетіліп, оқушылар тарапынан сауал қойылып, ой-пікірлер алмасты. Мұнан соң оқушылар ұстазға арнау оқып, сый-құрмет көрсетті.

Жиын соңында Дәмелі Қожахметқызы іс-шараны ұйымдастырушыларға және жастарға риясыз алғысын айтып, «Сіздермен кездесу – мен үшін үлкен қуаныш. Әрбір ұстаз үшін балаға білім беріп, елге құрмет көрсетуді үйретіп, тәрбиелеуден артық ештеңе жоқ» деді сөзін түйіндей.