Білім беру мәселесі талқыланды
Білім сапасын арттыру және жетілдіру – кезек күттірмейтін міндеттердің бірі. Осы орайда аудан әкімінің орынбасары Жарқын Омаровтың төрағалығымен аудан бойынша білім беру ұйымдарының жұмыстары туралы мәжіліс өтті.
Мәжіліске бөлім басшылары, сала мамандары мен мектеп директорлары қатысты. Жиында білім беру ұйымдарының проблемалық мәселелері көтеріліп, алдағы атқарылатын жұмыстардың бағыты айқындалды.
Мәжілісте өткен жылдың қорытындысымен жалпы орта білім беретін мектептердің рейтингі жарияланды. Рейтингте – білім сапасы, Ұлттық бірыңғай тестілеу қорытындысы, оқушылардың олимпиада, ғылыми жоба, спорттық сайыстағы нәтижелері, балалар мен жасөспірімдер арасындағы құқық бұзушылықтар мен қылмыстардың тіркелуі, педагогтердің кәсіби байқаулары, сайыстағы жетістіктері сарапталды.
Жыл өткен сайын білім саласы дамып, нәтижелі көрсеткіштерге қол жеткізуде. Мәжіліс қорытындысы бойынша аудан әкімінің орынбасары жиында айтылған ұсыныстар мен пікірлерді тыңдай келе, тиісті сала басшыларына тапсырма беріп, қорытындылады.
«ҚТ» ақпарат
