Аудан мектептерінде әдеп кеңесінің кеңейтілген отырысы өтті

Өткен аптада ауданның барлық білім беру ұйымында білім бөлімінің ұйымдастыруымен кезектен тыс педагогикалық кеңес және әдеп кеңесінің кеңейтілген отырыстары өткізілді.

Педагогикалық кеңестің күн тәртібінде қаралған мәселелер әр білім беру ұйымдары оқу-тәрбие үрдісі бойынша 3 жылғы білім сапасына динамикалық талдау, Ұлттық бірыңғай тестілеу қорытындысы, оқушылардың олимпиада, ғылыми жоба, спорттық сайыстардағы нәтижелері, балалар мен жасөспірімдер арасындағы құқық бұзушылық пен қылмыстардың алдын алу бағытындағы іс-шаралар, педагогтердің кәсіби байқаулары мен сайыстардағы жетістігін сараптау, білім беру ұйымдарындағы қауіпсіздік іс-шаралары, бала қауіпсіздігіне бағытталды.

Сонымен қатар мектептерде педагогикалық әдеп нормаларының сақталуы, мұғалімнің жүріс-тұрысы, көпшілік алдында сөйлеу мәдениетін қалыптастыру, жұмыс уақытында қызметтік киім үлгісін қатаң сақтау және педагогтардың оң имиджін қалыптастыру мақсатында медиа іс-шаралар жоспарын бекіту мәселесі қозғалды.