Өткен жылы аудандық мәдениет және спорт бөлімімен бірлескен «Көрнекі ақпарат» жобасы аясында кәсіпкерлік нысандардың көрнекі ақпа- ратында «Қазақстан Республикасындағы тіл туралы» заңы талаптарының сақталуын қамтамасыз ету бағытында кәсіпкерлер және жарнама агенттіктерімен тығыз байланыс орнатып, түсіндіру жұмыстары, рейд ұйымдастырылды. «Бастауыш ұйымдарда тілге байланысты бірлескен шаралар, қоғам белсенділерімен басқосу, кәсіби мерекелерде қабылдау өткізіліп, тіл жанашырлары марапатталды. «Тілдер күні» мерекесіне арналған түрлі іс-шара өткізілді. Аудандық мәдениет және спорт бөлімімен бірлескен «Қазақ тілі – ұлт болашағы» тақырыбында дөңгелек үстел, «Латын әліпбиі – уақыт тудырған қажеттілік» атты бірлескен іс-шара, қазақ келінінің отбасындағы рөлін және ұрпақ тәрбиесіндегі ана тілге деген құрметін көрсету мақсатында бастауыш ұйымдар арасында «Келіні жақсы үйдің керегесі алтын» атты келіндер сайысы, «Ұлттың қуаты – тілінде», «Мемлекет тілімен мәртебелі» тақырыбында тіл жанашырларымен кездесу өткізілді.

Биылғы жылға да қоғам алдына жаңа міндеттер қойылғаны туралы жеткізген филиал төрағасы Гүлжауһар Төлегенқызы алдағы жаңа жоспарларымен де бөлісті.

– «Ұлттық сезім» жобасы басталды. Ұлтымыздың салт-дәстүрі мен тілін ұлықтау мақсатында әр жұма күні айналасындағылармен тек қазақ тілінде сөйлесіп, ұлттық киім кию дәстүрі қызу қолға алынды. Сондай-ақ ататекті ұлттық дәстүрге сай ауыстыруға байланысты насихат жұмыстары жалғасып келеді. «Көрнекілік ақпарат» жобасы мемлекеттік тілдегі ас мәзірі мен тағам түрлерінің атаулары бойынша түсіндіру жұмыстарын одан әрі жүргізу, сонымен бірге бастауыш ұйымдар арасында «Белсенді бастауыш ұйым» аудандық байқауын өткізу жоспарлануда, – деді ол.

Басқосу соңында алқа мүшелері аудандық филиалдың атқарылған жұмыстарының есебін тыңдап, алдағы жылға арналған жұмыс жоспары төңірегінде өз пікірлерін білдірді.