Ұлттық құндылық балабақшадан бастау алмақ

№4 "Күн нұры" бөбекжай-бақшасында Төретам, Ақай, Байқоңыр аймақтық бірлестігінің жоспарына сәйкес "Мектеп жасына дейінгі балаларды ұлттық құндылықтар арқылы жан-жақты дамыту" тақырыбында әдістемелік бірлестік отырысы болып өтті.

Рухани құндылықтарды бағалай білуге баулу, бойымызға дарыту, ұлтжанды тұлға тәрбиелеу мақсатында ұйымдастырылған семинарға аймақтағы балабақша меңгерушілері мен тәрбиешілері қатысты. Әдістемелік күн жиынын аймақтық бірлестік жетекшісі Гулмира Орынбайқызы ашып, кезекті №4 "Күн нұры" бөбекжай-бақша тәрбиешілері дайындаған көрмені тамашалауды ұсынып, күн тәртібіне жоспарланған «Ғажайып қол өнер», «Асық терапиясының тиімділігі», «Ұлттық құндылықтар керуені» тақырыптарында іс-шаралар ұйымдастырылып, «Кел, ертегі тыңдайық» мобильді кітапхана бұрыштары көрмелерінің таныстырылымы көрсетілді.

Сондай-ақ, ұйымдастырылған шараға аудан орталықтарындағы бірқатар бөбекжай-бақшалары қатысып, іс-тәжірибе алмасты.