«Бала өмірі бәрінен қымбат»

Балалардың қауіпсіздігі мәселесі ешқашан күн тәртібінен түспеуі тиіс. Бала өміріне қауіп тек оқтан, атыстан ғана келмейді ғой, адамдардан да, тіпті ауыл көшелеріндегі құтырған жануарлардан да, болмаса оқушылардың өздерінен де, көліктерден де келуі мүмкін. Сондықтан, құқықтық мәдениетті арттыру, жастардың құқықтық санасын дамыту демократиялық және құқықтық мемлекет құруға ықпал ететін азаматтық қоғамды қалыптастырудың маңызды өлшемдері болып табылады.

Осы ретте, Қармақшы ауданы ІІІ Интернационал ауылдық округінің №108 орта мектебінде ер педагогтар мен техникалық қызметкерлер арасында білім беру ғимараттарында және одан тыс жерлерде балалардың, әсіресе қыз балалардың өмір қауіпсіздігін қамтамасыз ету, олардың құқығын қорғау, егерде жасөспірімдерге қарсы жасалған қылмыс немесе басқа да құқық бұзушылық жасалған жағдайда оның жауапкершілігі туралы, жыныстық қол сұғушылықтың алдын алу мақсатында профилактикалық түсіндірме жұмыстары жүргізілді.