Азаттықтың алтын діңгегі

Тәуелсіздік күні бұл жай ғана мереке емес, ол Қазақстанда тұратын халықтардың еңбекқорлығы мен достығының нәтижесі. Тәуелсіздік – ең басты құндылығымыз. Оған қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. Осы жылдар ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстан дүние дидарындағы ең мықты мемлекеттер танитындай, сыйлайтындай деңгейге жетті. Мемлекет басшысы Қасым-Жомарт Тоқаев жаһандық жаңа ахуал жағдайындағы жүрер жолымызды, барар бағдарымызды белгіледі. Халықтық реформалар арқылы жаңа деңгейдегі мемлекетке айналуды көздейтін маңызды бастамалар іске асырыла бастады.