Отбасындағы бала тәрбиесінің маңызы

qarmaqshy-tany.kz Кеше білім бөліміне қарасты С.Есқараев атындағы №27 орта мектебінде «Қатыгездік пен зорлық – зомбылықсыз балалық шақ» ақпараттық науқаны аясында «Отбасы және бала тәрбиесі» тақырыбында ата – аналар жиналысы өткізілді.

Жиналысқа аудандық білім бөлімінің әдіскері А.Тоқшылықова, Қармақшы ауданының құрметті азаматы, ардагер ұстаз Д.Жалғасбаева, АПб – нің бастығының орынбасары полиция подполковнигі Қ.Ерманов, облыстық психоәлеуметтік кеңес беру орталығының дәрігері А.Балмаханова, аудандық СӨСҚ кабинетінің маманы Д.Құлмырзаевалар қатысып, ата – аналармен отбасының бала тәрбиесіндегі ролі жөнінде пікір алмасты. Кездесу қонақтары өз кезегінде ата – аналарға бала тәрбиесі және оқушыларға қатысты жасалатын қылмыстар мен құқық бұзушылық оқиғалардың алдын алу және болдырмау, балалардың психикалық жағдайларын дұрыс қалыптастыру мен салауатты өмір салтын насихаттау мақсатында түсіндірме жұмыстар жүргізіп, жаднамалар таратты.

Кездесуде келелі пікірлер айтылып, ата – аналар да өз тараптарынан жасалып жатқан жұмыстарға ризашылық танытып, алғыстарын білдірді.