«Қатыгездік пен зорлық-зомбылықсыз балалық шақ» ақпараттық науқаны

qarmaqshy-tany.kz "Қатыгездікпен зорлық - зомбылықсыз балалық шақ" ақпараттық науқаны аясында балаларға қатыгездік пен немқұрайлылық мәселесіне қоғамдық назар аудару, қоғамда балаларды қатыгездікке төзбеушілік көзқарасын қалыптастыру мақсатында «Отбасы және бала тәрбиесі» тақырыбында білім беру мекемелерінде ата-аналар жиналысы ұйымдастырылуда.

№250 мектеп –лицейде зорлық-зомбылықтың алдын алу, ұрпақ тәрбиесі ұлағатты болу үшін, отбасындағы ата-ана берген тәрбие мектепте жалғасын тауып, саналы, білімді, мәдениетті, өнегелі азамат тәрбиелеп шығару мақсатындағы жиналысқа ардагер- ұстаз Д.Жалғасбаева, аурухана бас дәрігерінің орынбасары П.Сарыбаева, жастар ресурстық орталығының директоры Н.Пірназар, аудандық полиция бөлімінің орынбасары, полиция подполковнигі Қ.Ерманов, білім бөлімінің әдіскері А.Тоқшылықова қатысты. Жиналыс барысында №250 мектеп–лицей директоры Г.Мұнарбаева мектеп жаңалықтарымен таныстырып, мектепішілік шараларға белсене қатысып жүрген ата-аналардың жұмыстарын да атап көрсетті.